Элыштына кызытсе йоча-влакын подвигышт нерген у книга савыкталтын. Тудым «Подвиг-влак» проектым илышыш пуртышо-влак савыктеныт, нуно ынде икмыняр ий еҥ-влакын поро ошкылышт дене кылдалтше историйым погат.
Книгаште чылаже 30 тыгай сӱрет ончыкталтын. Нунын кокла гыч иктыже Звенигово районысо Какшамарий ялыштыже илыше Алексей Скворцов дене кылдалтын. Рвезе йолташыже-шамыч дене шылмыла модын. Трук таве шеҥгеке шылше ик йоча тавыш шуҥгалтын. Алексей, шуко шоныде, тудым руалтен луктын: ойгыш логалше рвезым чараште улшо электропровод гыч ток перен улмаш. «Вашкеполышын» пашаеҥже-шамыч варажым каласеныт: Скворцов огыл гын, рвезе коленат кертеш ыле.
Кызыт Алексейлан – 14 ий, тиде историй нерген тудо каласкалаш огеш йӧрате, «кажныже тыге ышта ыле» веле манеш.
Г.Кожевникова
