И.К.Глушков лӱмеш Оршанкысе шуко профилян колледжыште Глушковым лудмаш лийын.
25-ше гана эртыше мероприятий Марий Эл, Беларусь, Мордовий, Чуваший республикла, тыгак Пермь кундем, Курск область гыч участник-влакым – 545 еҥым – иквереш чумырен. Нунылан «Цифр саманыште этнокультур образований», «Марий йылме – йоча-влаклан!: шонымаш гыч илышыш пуртымо марте» да моло теме дене выступлений-влак лийыныт.
Конференцийыште кызытсе образований дене кылдалтше йодышла дене 12 секций пашам ыштен.
Кокымшо гана мероприятийыште онлайн йӧн дене студент доклад-влаклан конкурсым эртарыме. Тушко Российысе регионла да Беларусь гыч колледжлаште тунемше-влак ушненыт.
Конференций Марий Элыште науко да технологийлан пӧлеклалтше лу ияш идалыкым палемдыме кышкарыште эрта.
Г.Кожевникова
Фотом Марий Эл Образований да наукео министерствын соцкылысе лаштыкше гыч налме
