«Герои Марий Эл. Талешке-влак» программым тестироватлыме икымше этап мучашлалтын.
Участник-влак чыланат кугу шинчымашым да республикнам вияҥдымашке ушнаш кумылан улмыштым ончыктеныт.
Тӱҥ этапыште участвоватлен кертдыме-влаклан 12 май гыч ешартыш жапым ойыреныт. Тиде пагытыште тестированийым эрташ йӧн лиеш.
Испытанийым сайын эртыше кандидат-влакым майыште вес ответственный этап — собеседований — вуча. Тушто кажныже регионым вияҥдыме шотышто шке шонымашыжым каласен кертеш.
