НОВОСТИ ПАТЫРЛЫК Чолгалык

Генерал Маргеловлан чапкӱ

Генерал Маргеловлан чапкӱ
2 августышто элыштына юж десант войскаште служитлыше-влакын кечыштым палемдат. Теният ты кечым сай кӱкшытыштӧ палемденыт, вет республикыштынат ты войскаште служитлыше шагал огыл еҥ уло.
Икмыняр ий ончыч Йошкар-Оласе Сеҥымаш бульварыште Российын Геройжо Марк Евтюхинлан бюстым почыныт ыле… Тений ты кечын В.И.Ленин лӱмеш культур полат кумдыкышто Воин десантник-влаклан келыштаралтше скверыште десантник-влакын ушемыште улшо-влакын тӱҥалмышт ден «Памяти 6-ой роты» фондын, тыгак ола администрацийын полышышт дене Совет Союзын Геройжо, ВДВ-ын командущийже генерал Василий Маргеловлан чапкӱм шогалтеныт.
– Чыладам шокшын саламлем. Юж десантник-влаклан Василий Филиппович боевой командир, йолташ лийын. Тыгай герой-влак нерген самырык тукым палышаш. А тыште шогышо-шамыч, чынжымак, мыланна, икшывына-шамычлан чылан герой улыт. Кызыт ме самырык тукымым, йочанам элнам аралаш, пагалаш, йӧраташ туныктышаш улына. Тидыжым те боевой да армейский опытда дене патриотизм шӱлышеш туныктен, таза илыш-йӱлалан кумылаҥден кертыда. Палемдыме шуэш: элнан юж десант войскаже – тиде эн лӱддымӧ войска. Тыныснам, ешыштына ласкалыкым аралымыланда ™дырамаш семын тауштем. Тыге ме ласкан пашам ыштен кертына. Пайрем дене! – мане Марий Элын молодёжный политике, спорт да туризм министрже Лидия Батюкова.
Ты кечын десантник-влакым шокшын саламленыт, самырык тукымым военно-патриотизм шӱлышеш куштымаште ойыртемалтше, чолга еҥ-шамычлан Марий Эл правительствын Грамотыжым, Тауштымашым кучыктеныт. Нунын коклаште И.Мухамедшин, Д.Тринягин, Ю.Каменщиков, А.Яровиков, Н.Скулкин, Н.Тараканов, И.Тойшев, П.Кисилев да молат лийыныт.
Е.Эшкинина.

Опубликовать в Одноклассники

Добавить комментарий