Уверлан чапле вер
Паралимпийский резервн спортивно-адаптивный школлан 2022 ийыште 295 тӱжем теҥгем ойыреныт. Тиде окса дене кок электрон таблом налыныт.
Шийвундым «Демографий» национальный проектын кышкарыштыже «Спорт – илышын нормыжо» федеральный проект дене келшышын ойыреныт.
Ты табло дене спортзалыште эртыше модмашым, тренировкым ончаш лиеш. А кугу табложо командын лӱмжӧ, счёт, модшо-шамычын фамилийышт дене палдараш келыштаралтын.
– Тачысе саманлан келшыше оборудований ончышо-влаклан спорт мероприятийын эртымыжым сайынрак ончаш, тренировкым шот дене ышташ полша. Тыгак регионыштына илыше калыклан спортын адаптивный видшылан тӱткышым ойыраш амалым ышта, – палемден паралимпийский резерв спортивно-адаптивный школын вуйлатышыже Кирилл Печенин.
Ушештарена, Кирилл Печенин жапше годым футбол дене начарын ужшо-влак коклаште эртаралтше турнирлаште Россий сборный командын чапшым арален, капка орол лийын. Европын чемпионатлаштыже сеҥышыш да ший призёрыш лектын. Тудын вуйлатымыж дене регионышто адаптивный спорт сайын вияҥеш, а ты школын воспитанникше-влак Россий кӱкшытыштӧ республикын чапшым аралат.
Е.Эшкинина.
