Тылат, салтак!
Черетан полыш
Мобилизоватлыме да шке кумылын военный специальный операцийыште улшо-влаклан черетан гуманитар полышым (латкокымшо гана) намиеныт.
Российысе да вес элласе сарзе казак-влакын ушемыштын Марий Элысе региональный отделжын (СКВРиЗ), спорт дене кылдалтше военно-патриотический шӱлышан «Покровский» хутор ХКО-н казакше ден кадетше-влакын вуйлатышышт Александр Глуховын палемдымыж почеш, ты гана куд еҥ кок машин дене миеныт.
– Мемнан боецна-шамычлан пужлыдымо кочкышым, йӱдым ужаш полшышо прицелым, тепловизорым намиенна. Тӱрлӧ амаллан кӧра кажныштлан огыл гынат, икмыняр еҥлан личный посылкым кидышкышт кучыктенна. Марий кундем гыч улшо-влакым ужынна. Иктыже Йошкар-Ола гыч лийын. Нуно чылан сеҥымашлан ӱшанат. Кӱлеш полышым пуышо-шамычлан саламым колтеныт да кугу таум каласышт. Луганскысе Лисичанский районыш корно лӱдыкшӧ, неле лийын, но чылажат сайын эртен. Тау, чылан илыше улына, – мане Александр Глухов.
Гуманитар полышым намийымышт годым Северодонецк олаште пудештарыме кӱвар, шаланыше пӧртла, эсогыл завод землякна-влакым тургыжландареныт, но умылат: сарыште тӱрлыжланат ямде лийман.
Лудаш темлена:
