С.Г.Чавайн лӱмеш национальный книгагудын пашаеҥже Елена Батукова «Идалыкын библиотекарьже – 2025» всероссийский конкурсын финалышкыже лектын.
Увер-библиографий пӧлкам вуйлатыше – финалыш лекше 24 участник коклаште. А чылаже конкурсыш Российын 79 регионжо гыч 413 еҥ йодмашым пуэн. Сеҥыше-влакын лӱмыштым 18 ноябрьыште федерал да рӱдӧ регионласе книгагудо-влакын вуйлатышыштын погынымаштышт увертарат.
Снимкыште: Елена Батукова.
Фотом книгагудын воткыл лаштыкше гыч налме.
