Изи Какшан гоч шуйналтше Рӱдӧ кӱвар деч посна Йошкар-Олаште эше 3 кӱварым ачалаш палемдыме.
«Мемнан республик мучко ятыр эҥер йоген эрта, сандене кӱварым ачалыме паша пеш кӱлешан. Кӱвар ял шотан илем-влакым ушен шога» – ятыр вере кӱвар-влакын тошто да шаланыше улмыштым шотыш налын, ойлен Марий Эл вуйлатышын пашажым жаплан шуктышо Юрий Зайцев. Тений чылаже 20 кӱварым ачалаш палемдыме, кужытышт 900 утла метрыш шуэш.
Йошкар-Олам налаш гын, Изи Какшан гоч шуйналтше Рӱдӧ кӱвар деч посна шушаш ийын эше 3 кӱварым шотыш кондыман, тымарте Вараксин кӱварым гына уэмдыме. Тачысе кечын Царьград проспект деч Изи Какшан гоч (кужытшо – 141,3 м), Шернур кугорнысо Семеновка эҥер гоч (11,5 м), Транспортная уремысе Шоя эҥер гоч (9 м) кӱвар-влакым олмыкташ документаций ямдылалтеш.
Л.СЕМЕНОВА
Фотом интернет гыч налме.
