Советский район Кужмарий селаште Святой Троице лӱмеш у черкым чоҥат.
Кодшо кечылаште тушто у черкылан негызым пыштыме йӱлам Йошкар Ола да Марий митрополит Иоанн эртарен: алтарь пырдыжыш закладной возыктышан капсулым пыштен, храмын ныл пырдыжшым да вуйым савыме ыресым освятитлен.
Мероприятийыште Советский район администрацийым вуйлатыше Евгений Пушкинат лийын.
Фотом «Православие в Марий Эл» воткыл лаштык гыч налме.
