Тений республикысе турист объект-влак деке 12 указательым вераҥдат.
Тыгай паша «Туризм и индустрия гостеприимства» нацпроект дене келшышын шукталтеш. Тачысе кечылан ныл тыгай указательым регионысо кӱкшытан кугорныш вераҥдыме: Марий Йӱштӧ Кугызан илемышкыже, «Яльчик» каныме базыш наҥгайышыш. Лишыл жапыште эше 8 указательым тыгак регион да федерал кӱкшытан кугорнылаште ужын кертына.
А теве Йошкар-Оласе Царьградский проспектыште, Изи Какшан эҥер серыште, ты нацпроект кышкарыштак туалетым ыштат. Тидлан республикысе бюджет гыч шийвундат ойыралтын.
Светлана Носова
