КУЧЕМЫШТЕ

Ешартыш окса ойыралтеш

Марий Эл вуйлатыше Юрий Зайцевын кӱштымыж почеш чодыра пожар ваштареш кучедалаш ешартыш окса ойыралтеш. Тудын дене кӱлеш средства ден оборудованийым: мотопомпым, пожарный рукава манмым, радиокыл устройство-влакым – налаш палемдалтеш. Тидын нерген 10 майыште эртыше совещанийыште мутланеныт.

Республик вуйлатыше палемден: кызыт икмыняр регионышто тул ваштареш кучедалыт. Мемнан дене тыгай марте шуктыман огыл.

Марий Эл правительстве председательын алмаштышыже Степан Воронцовын ойлымыж почеш, республикыште пожар ваштареш кучедалме посна режим пашам ышта.

Верысе самоуправлений орган-влак ранцевый огнетушительым налыныт, штатный огыл противопожарный формирований-влакым ыштеныт, пожар верыш тулым йӧрташ вӱдым кондаш техникым ямдыленыт, Кугыжаныш противопожарный службын Марий Элысе управленийжын подразделенийже-влакын личный составыштым пеҥгыде паша режимыш кусареныт, дежурствым ыштеныт.

Чодыра пожарым йӧрташ лесопожарный формирований-влакын ямде улмышт нерген республикын пӱртӱс поянлык, экологий да йырым-йырысе средам аралыме министр Алексей Киселев каласкален. Палдарымыж почеш, чодырашке чӱчкыдынак патрульыш лектыт, профилактике мероприятий-влак   эртаралтыт, калыклан пожар нерген каласкалыме увер паша ышталтеш.

Марий Эл вуйлатышын администрацийжын информаций паша пӧлкажын уверже негызеш Л.Камалетдинова ямдылен

Опубликовать в Одноклассники

Добавить комментарий