Марий Эл вуйлатыше Юрий Зайцев Технический регулирований да метрологий шотышто федеральный агентствын (Росстандарт) вуйлатышыже Антон Шалаев дене вашлийын.
Паша дене республикышкына толмыж годым Антон Шалаев регионысо промышленный предприятийлаште, рашемден каласаш гын, «Метма-Хром» НПФ ООО ден Марий машиностроительный заводышто, лийын. Тыгодым рашемден: тудын вуйлатыме ведомствыжын тӱҥ задачыже – предприятий-влакын оборудованийыштын чын вискалыме да сай качестван продукцийым ыштен лукмо шотышто полышым пуымаш. А.Шалаев республикысе предприятий-влакын технически велым могай улмыштым кӱкшын аклен, нунын оборудованийышт йот элласе деч ятырлан сайрак улыт манын палемден.
Юрий Зайцев Росстандартын вуйлатышыже регион дек мелын савырнымыжлан таум ойлен, умбакыжат пырля пашам ышташ ямде улмым палемден.
Марий Эл Республикым вуйлатышын администрацийжын информаций паша пӧлкажын уверже негызеш Л.СЕМЕНОВА ямдылен
Д.РЕЧКИНЫН фотожо
