Юл кундем федерал округышто эртыше «Туриада-2018» спортивно-туристический лагерьыште Марий Элын командыже кумшо верыш лектын.
Тений тушко тўрлӧ регион гыч 700 участник чумырген. Нунын кокла гыч 27 спортсмен спорт мастерыш кандидат нормативым шуктен.
Спорт туризм дене первенствыште Марий Эл кумшо лийын. Личный зачетышто юниор-влак коклаште Рустам Урдяков икымше, Михаил Тарасов кокымшо верым налыныт. Кумшыжо – Самара гыч Кирилл Колесов. Тыгак Марий Эл гыч спортсмен-шамыч команде-влак коклаште таҥасымаште ойыртемалтыныт.
«Туриада-2018» таҥасымаште сеҥыше ден призёр-влак спорт туризм дене всероссийский таҥасымашлаште вийым тергаш тўҥалыт.
Е.Эшкинина
