2023 ийыште Марий Элыште туныктымо пашаште сеҥымашыш шушо эн сай туныктышо-влаклан премийлан конкурсыш тений республикысе 31 педагог ушнен.
Кызыт нунын пашаштым аклат, а сеҥыше-влакым 5 октябрьыште, Туныктышын кечынже, саламлаш тӱҥалыт.
Педагогын да наставникын идалыкыштышт федерал квото дене келшышын конкурс отборышто сеҥыше 5 еҥым 200 тӱжем теҥге кугытан премий дене палемдат.
Марий Элым вуйлатыше Юрий Зайцевын решенийже почеш, республикын эн сай туныктышо-влакын рейтингышкышт пурталтше 5 педагоглан 50 тӱжем теҥге гыч пуат.
Г.Кожевникова
