Республикысе ола ден районлаште «Идалыкын туныктышыжо – 2026», «Идалыкын воспитательже -2026», «Марий йылмым эн сайын туныктышо -2026» профессионал мастарлык конкурс-влакын муниципальный йыжыҥышт эртат.
Тиде кечылаште эн уста туныктышо ден воспитатель- шамычым Советский районышто ойыреныт. «Идалыкын воспитательже-2026» конкурсышто Алеся Иванова (Советский посёлкысо «Родничок» йочасад) сеҥен, «Идалыкын туныктышыжо-2026» Вечын школышто тӱналтыш класслам туныктышо Эльвира Иванова лийын, «Марий йылмым эн сайын туныктышо-2026» конкурсышто Солнечный школышто тӱналтыш класслам туныктышо Ирина Сидорова эн уста семын палемдалтын.
Ончыкыжым нуно моштымашым конкурс-влакын республик кӱкшытан йыжыҥыштыже ончыктат.
Г.Кожевникова
Фотом Советский районысо образований полкан соцкылысе лаштыкше гыч налме
