Олан кечыжым пайремлыме годым оласе предприятий-шамыч икымше гана парадыш лектыт. Колонныштым эн ойыртемалтшын да сӧралын сӧрастарыме конкурс эрташ тӱҥалеш.
Оҥай акцийын организаторжо-влак – ола администраций ден Ленин лӱмеш культур полат. «Сигнал» муниципал предприятий директор А.Жуковын ойлымыж почеш, колонным сӧрастараш фирменный эмблемым пижыктен, спецвургемым чиен, ола урем дене йолын ошкеден эрташ веле огыл, тышке транспортымат ушаш темлен.
Кум ончыл верым сеҥен налше, палынак ойыртемалтше предприятийым лӱмын ойырымо жюри аклаш тӱҥалеш.
Лекше чыла йодышым (8362) 72-31-50 телефон дене йыҥгыртен рашемдаш лиеш.
Р.Чепакова.
