23 апрельыште У Торъял районышто еш-тукым фольклор ансамбль-влакын «Творцы и хранители» фестивальышт эртен.
Тушто тӱрлӧ ял гыч коллектив-шамыч мурен, куштен моштымо мастарлыкыштым, тыгак тӱрлӧ йӱлам ончыктеныт. Тидын дене пырля кидмастар-влакын пашаштым посна выставкыште ужаш йӧн лийын.
«Эн сай еш фольклор ансамбль» номинацийыште Порошинмыт еш (Кугу Лумарий тӱвыра пӧрт) сеҥышыш лектын. «Дедки и предки» фотовыставкым ямдылымаште ойыртемалтшылан жюри Тетеринмыт ешым (Шура тӱвыра пӧрт) шотлен. Кидпаша мастарлыкым ончыктымаште иканаште кок ешым: Домрачевмытым (Элембай ялысе пӧрт) да Новоселовмыт-Смирновмытым (Масканур тӱвыра пӧрт) – икымше вер дене палемденыт.
Регион-влак кокласе «Творцы и хранители» фестиваль теният У Торъял поселкышто лийшаш. Тудым 10 июльышто эртараш ямдылалтыт.
Л.КАМАЛЕТДИНОВА
