КУЧЕМЫШТЕ

Эн изилан шотлалтеш гынат…

Марий Элыште 2022 ий 1 июль гыч илыме-коммунал услугылан кугемдыме 3,2 процент тарифым пеҥгыдемдыме. Тудо Юл кундем федеральный округысо регион-шамыч коклаште эн изилан шотлалтеш.

Тидын нерген 18 июльышто Марий Элым вуйлатышын пашажым жаплан шуктышо Юрий Зайцевлан промышленность, экономический вияҥмаш да торговльо министр Станислав Крылов увертарен.

Ведомствым вуйлатышын палемдымыж гыч, РФ правительствын пунчалже почеш кажне регионлан ий еда июльышто ЖКХ-лан тӱлымӧ акым кугемдыме шотышто кокла индекс пуалтеш. Тарифым пеҥгыдемдыме годым регулироватлыше орган шуко задачым решатла, тыгодым шуко мом шотыш налеш.

Республикым вуйлатышын пашажым жаплан шуктышо южо услугын тарифше пошкудо регионысо деч кугурак улмым шекланен да министерствылан кугыжаныш велым регулироватлыме тарифым пеҥгыдемдыме, тыгак Россий Федерацийын законодательствыж дене келшышын, кугыжанышын тарифым регулироватлыме аланыштыже региональный контрольым шуктымо пашам умбакыже шуяш кӱштен.

Совещанийыште тыгак Марий Эл кумдыкышто пеҥгыде коммунал куштырам погымо у нормативым вийыш пуртымо да тидлан кӧра услугын акше вашталтме дене кылдалтше йодышым онченыт.

Марий Эл Республикым вуйлатышын организаций да аналитике виктемжын уверже негызеш М.ИВАНОВА ямдылен

Опубликовать в Одноклассники

Добавить комментарий