МАРИЙ ТӰНЯ

«Элым аралыше-влаклан»

Шочмо элым аралыше-влакын кечышт вашеш республикысе Марий тӱвыра рӱдер «Элым аралыше-влаклан» конкурсым увертарен.
Тудо онлайн йӧн дене эрташ тӱҥалеш. Тушко образовательный, ешартыш шинчымашым пуышо учреждений (рӱдер, йоча усталык пӧрт-влак), тыгак патриот шӱлышан клуб ден ушем-влакын 7 гыч 18 ияш марте участник-влак ушнен кертыт.
Кок номинацийыште нуным аклаш тӱҥалыт. Икымшышкыже – «Элем, тылат мурем!» патриот шӱлышан муро – посна солист ден ансамбль-влак 4 минут марте видео-выстуленийым колтышаш улыт. Вес номинаций «Элым аралыше мыйын ешыште» маналтеш. Тушко шке лишыл еҥ, родо-тукым кокла гыч воинский ден гражданский порысым шуктышо, тыгак Кугуг Отечественный сарын, локальный конфликтын да Украиныште эртыше специальный военный операцийын участникше нерген эссем возен колтыман.
Конкурслык пашам 1–4, 5–7 да 8–11 класслаште тунемше-влак коклаште аклаш тӱҥалыт. Йодмашым 14 февраль марте mari-centr_konkurs@mail.ru электрон адресыш колтен шуктыман.
Светлана Носова

Опубликовать в Одноклассники

Добавить комментарий