Михаил Александров М.Шкетан лӱмеш Марий национальный драме театр деч вара паша корныжым Марий самырык театрыште шуен. Лу ий утла жапыште ятыр спектакльыште тӱрлӧ рольым модын, оҥай деч оҥай образым чоҥен.
– Кызыт мый Озаҥ ола воктенысе ик предприятийыште электрогазосварщиклан пашам ыштем. Тыгак Юлсер клуб системыште тыршыше усталык шӱлышан еҥ-влак дене кылым кучем. Кугыеҥ ден йоча-влаклан спектакльым шындаш полшем, южгунам сценыште мурем, коклан иктаж пайремымат вӱдаш ӱшанат, – каласен Михаил.
Алевтина БАЙКОВА
Фотом еш альбомжо гыч налме
