Республикысе курчак театр Антуан де Сент-Экзюперин шочмыжлан 120 ий теммылан пӧлеклалтше онлайн-проектыш ушнен.
2 гыч 15 июнь марте театрын артистше-влак YouTube каналыште француз писательын «Маленький принц» произведенийжым лудыт. Проектын режиссёржо – Евгений Насупа.
Тиде книга тӱнямбалне моткоч чапланен: 140 миллион наре экземпляр ужалалтын. Тиде изданий 300 йылмыш кусаралтын.
Искусствым йӧратыше-влак «Изи принцым» сценыште веле огыл ужыныт, тиде произведений почеш кино, балет, опер да молат улыт.
А.БАЙКОВА
