«Единый Россий» партийын Мер полыш штабыштыже регионысо политсоветын президиумжын заседанийже лийын. Тудым партийын Марий региональный отделенийжын секретарьжын икымше алмаштышыже, Марий Эл Кугыжаныш Погын председатель Михаил Васютин эртарен.
Заседанийыште президиумын еҥже-влак шушаш муниципал сайлымаште «Единый Россий» партий деч темлаш кандидат-влакын радамыштым пеҥгыдемденыт. Пунчалым партийын верысе вич отделенийже: Курыкмарий, Кужэҥер, Юрино, тышкак Йошкар-Оласе да Волжск оласе пурталтыныт – шотышто луктыныт.
– Район-влакым муниципал округлашке савырымаш – тиде стратегический ошкыл. Тудо виктарыме пашам эшеат пайдалын шукташ да еҥ-влакын илышыштым саемдаш ышталтын. Верысе депутат-влак ден Кугыжаныш Погынын депутатше-влакын келшен пашам ыштымышт дене мемнан муниципалитетна-влак ончылно шогышо задаче-влакым пайдалын рашемдыме кылдалтеш. Ӱшанем, иквереш шуктымо пашана республикысе калыклан пайдам конда, – палемден Михаил Васютин.
Любовь Камалетдинова.
