У Торъял округысо Д.И.Онар лӱмеш Токтарсола тӱҥ общеобразовательный школышто тудым капитально олмыктымо паша шолеш.
Тиде школ 1993 ийыште почылтын.
Ачалыме пашам шуктымо жапыште инженер сетьым вашталташ, у омса ден окнам шындаш, зданий йырысе да тушко пурымо верлам тӧрлаташ, у леведышым шараш, тыгак тунемме пӧлемлам, коридорлам, спортзалым, пищеблокым, мастерскойым, санузелым уэмдаш палемдалтын. Тачысе кечылан паша 50 процентлан шукталтын.
Любовь Камалетдинова
