Йошкар-Оласе погынымашын депутатше Евгений Калинкинын полшымыж Семеновка селасе Интернатский уремыште верланыше остановко павильоным олмыктымо.
Ойлымыж почеш, округышто кумдыкым тӱзатыме дене кылдалтше йодыш-влакым каҥашаш профильный чатым ыштеныт. Кодшо кечылаште тушко еҥ-влак ты уремысе павильонын шаланымыж нерген возеныт. Депутат тунамак фотографийым да уверым ты пашалан вуйын шогышо-влаклан колтен. Тиде обращенийлан вашмут толын. Олмыктымо сомылым 30 апрель марте ышташ сӧреныт. Да сӧрымым тиддеч икмыняр кече ончычак шуктеныт.
Любовь Камалетдинова
