Аҥысыр специализациян врач-влак ешартыш шинчымашым налыныт.
У коронавирус инфекцийын пандемийже республикысе медицине пашаеҥ-влакын вийыштым иктыш ушен. Чер ваштареш врач-инфекционист-шамыч веле огыл шогалыныт. COVID-19 дене черланыше-влакым эмлыме пашашке моло специализациян доктор-шамычымат ушаш логалын.
Медик-влакым чыла пашам грамотно да пайдалын шукташ ешартыш профессиональный программе дене туныктымо: 2020-2021 ийлаште – 100 утла врачым, 2022 ий февральыште – эше 117 докторым.
Доктор-влак ешартыш профессиональный шинчымашым Казань кугыжаныш медицине университетыште федеральный бюджетын средстваж кÿшеш налыныт.
М.ИВАНОВА
