Яльчик ер воктенысе ик кумдыкыш 31 октябрь марте пураш огеш лий.
«Марий чодра» национальный паркын администрацийжын увертарымыж почеш, тушто кукшо да йӧрлын кертше пушеҥге-влакым кораҥдылаш тӱҥалыт. Кумдыкын кадастр номерже – 12:00:0000000:453. Ты верым шижтарыше тасма дене авырен налыныт, шлагбаум, видеокамер-влакым вераҥденыт. Тыгак тышке канаш толшо-влакым чодырам патрулироватлыше-влак шижтараш тӱҥалыт. Пураш чарыме кумдыкыштыжо тӱҥ шотышто шке гыч канаш толшо-влак шогалыт. Турбазе-влакын каныме верышкышт логалаш нимогай чарак уке.
С.Носова
