КУЧЕМЫШТЕ

Чыла кудывечым шотыш кондат

Марий Эл вуйлатышын пашажым жаплан шуктышо Юрий Зайцев Йошкар-Олаште чыла кудывече эркын-эркын тӱзаталташ тӱҥалеш манын ойлен

Юрий Зайцевын темлымыж дене тений рӱдолаште кудывече кумдык-влакым ачалыме да тӱзатыме шотышто нигунам ыштыдыме паша шукталтеш. Олан историйыштыже икымше гана тидлан моткочак шуко окса – 150 млн. утла теҥге – ойыралтын.

У бордюр, корныш да йолешке-влаклан эртыме кумдыклашке асфальтым уэмден шараш, вӱд йогыным колташ, парковко верым ышташ – тиде кудывечылаште шуктымо тӱҥ паша радам гына.

9 сентябрьыште Юрий Зайцев икмыняр уремыште лийын да кудывече кумдык-влакым ончен савырнен, мом кузе ыштымым аклен, тушто илыше-влак дене мутланен. Чыланат тауштен гына ойленыт. Тыгодым Яналов уремыш мийымекше, еҥ-влак кӱртньыгорно вокзал воктенысе скверым тӧрлаташ да шотыш кондаш йодыныт. Республикын транспорт да корно озанлык министрже Александр Герасименко каласен: кызыт тиде кумдык шотышто проект-смете документ ямдылалтеш, паша мыняр теҥгешке шумо шотлалтеш, тидын дене пырля РЖД дене мутланымаш кая. Эше ик шонымаш нерген ойлен: паркын рӱдӧ верыштыже тепловозым вераҥдаш ямдылалтыт. Тудо ты кумдыкым чотак сылнештарышаш.

 Марий Эл Республикым вуйлатышын организаций да аналитике виктемжын уверже негызеш Л.Камалетдинова ямдылен

 

Опубликовать в Одноклассники

Добавить комментарий