Марий Эл вуйлатыше Юрий Зайцев Оршанке районышто лийын, тулык да ача-ава деч посна кушшо йоча-влаклан у пачер деч сравочым кучыктен.
Райрӱдысӧ Советский уремыште чоҥалтше кум пачашан у пӧртын пачерышкыже 15 еҥ илаш пура. Илыме верын акше 32,8 миллион теҥгешке шуын. Пачер-влак ямде улыт, кудывечыште йоча да спорт площадкылам чоҥымо, корным да транспортым вераҥдаш стоянкым ыштыме.
Тыгай категориян граждан-влаклан илыме верым ойырымаш Россий Федераций правительствын да Марий Эл правительствын ик тӱҥ задачыштлан шотлалтеш, палемден республикым вуйлатыше.
«Таче те пачеран лийында, У ий вашеш тиде кугу куан», – каласен тудо.
ПАЛЕМДЫМАШ: 2024 ийыште Марий Элыште тулык йоча-влаклан илыме верым ситарыме пашалан 627 миллион теҥге ойыралтеш. Тачысе кечылан 267 пачерым налме шотышто контрактым пеҥгыдемдыме.
Марий Эл вуйлатышын пресс-службыжын уверже негызеш
Лидия СЕМЕНОВА ямдылен
Д.Речкинын фотожо
