13-14 июльышто Йошкар-Олаште у формат дене SkandiLady&MAN Россий кӱкшытан фестиваль эртен.
Скандинав коштмаш ден куржталмашым иктеш ушышо спорт да моторлык таҥасымаште участник-влакым икмыняр критерий почеш акленыт. Очно да онлайн йӧн дене эртыше тренировкым, дресс-кодым шотыш налыныт да чыла тидын деч посна «Народное призвание» йӱклымашым эртареныт. Сеҥыше-влакым дистанцийын кужытшым да участник-влакын категорийыштым шотыш налын палемденыт.
1-ше верым Санкт-Петербург гыч Ирина Хлобыстова сеҥен налын.
2-шо верыш Кристина Карпухина (Москва область) лектын да тудак «Народное призвание» номинацийыште сеҥен. 3-шо вер дене Мурманск область гыч Валентина Шарапова палемдалтын.
Фестивальыште Российын тӱрлӧ регионжо гыч толшо 100 наре участник вийжым терген. «Скандинав коштмашлан куд ий ончыч кумылаҥынам. Ты гана спорт ден моторлыкым иктеш ушен вийым тергаш шонен пытенам. Моткоч неле ыле…» – каласен Ирина Хлобыстова.
Г.Кожевникова
Ирга Козлован фотожо
