А.Конаков лӱмеш Шернур тоштер-ончер комплексыш шукерте огыл Моско гыч Ольга Владимировна Якубовская толын каен.
Тудо – авиаций генерал-майор, Кугу Отечетвенный сарын геройжо, Шернур районысо Калий ялын шочшыжо Степан Иванович Чемодановын уныкаже. Ольга Владимировна кочаж нерген каласкален. Шернур районысо ветеран-влакын советыштым вуйлатыше Зинаида Зорина уналан кундемыште сарын участникше-влак нерген шарнымашым кодымо паша дене палдарен да Шернур район нерген иллюстрироватлыме альбомым пӧлеклен.
А теве Курыкмарий районысо Н.В.Игнатьев лӱмеш тоштерыш Краснодар гыч лӱмлӧ писательын кугезе уныкаже Павел Юрьевич Игнатьев Анна пелашыж дене толын каен. Вашлиймаш годым уна-влак курыкмарий литетартурлан негызым пыштыше еҥын уныкаже-шамыч нергенат каласкаленыт.
С.Носова
Снимкыште: Анна ден Павел Н.В.Игнатьевын памятникше воктене.
Фотом тоштерын лаштыкше гыч налме.
