КРАЕВЕДЕНИЙ

Эртышым рашемдаш манын пургедыт

Шукерте огыл Историй да археологий тоштерыште «Марийская археология: на пути к открытиям» у ончер почылтын.

Вигак каласыман, ончер пеш поян да марий археолог-влакын пытартыш ийлаште эртарыме пургедме пашаштым иктешла манашат лиеш. А пургедыт нуно мемнан дене веле огыл, республик деч єрдыжтат. Пытартыш экспедицийла гыч кондымо мумо арверже икымше гана веле эше ончыкталтыт.

Каласен кодыман, тачысе кечылан республикыште археологий экспедицийым Йылмым, литературым, историйым научнын шымлыше В.М.Васильев лумеш марий институт, Марий кугыжаныш университетын тунемме-научный археолого-этнический рўдерже да Т.Евсеев лўмеш калыкле тоштер эртарат. Кажне экспедиций Марий кундемым, калыкнан историйжым шымлымашке кугу надырым пышта. Пургедме почешак шымлымаш паша-влак возалтыт, мыняр-гынат калыкнан историйыштыже ош тамга-влак рашемдалтыт.

Тиде ончерыштат лўмло археолог-влак, нунын пашашт, ты сферыште пытартыш открытий-влак нерген кумданрак пален налына. Каласен кодыман, ончер идалык мучко лиеш, сандене кажныже тушко толын шукта.

С.НОСОВА

М.Скобелевын фотожо

Опубликовать в Одноклассники

Добавить комментарий