«Единый Россий» партийын увертарыме ончылгоч йӱклымашкыже еҥ-влак чолган ушнаш тӱҥалыныт.
Тиде йӧнлан эҥертен, партий Марий Элын кандашымше созыв Кугыжаныш Погынышкыжо депутат-влакым сайлышашлан кандидат-влак спискым ямдыла. Сайлымаш тений 8 сентябрьыште лиеш.
Але марте праймеризыш ушнаш документым республикысе Кугыжаныш Погын председательын алмаштышыже Лариса Яковлева, Марий книга савыктышын директоржо Эдуард Иманаев да Кугыжаныш Погынын кызытсе депутатше Наталья Пушкина пуэныт.
Ушештарыме семын ойлен кодаш гын, «Единый Россий» – депутатыш кандидат-влакым ойырен налшашлан да нунын спискыштым ыштышашлан ончылгоч йӱклымашым эртарыше ик политический партий гына. Пӱтынь элыште тетла тыгай партий уке.
Праймеризын участникше лийшашлан йодмашым PG.ER.RU але региональный оргкомитетыш 25 апрель марте пуаш лиеш.
Л.Камалетдинова
