Марий Элысе Самырык-влакын полатыштышт «Профессионал-влак» чемпионатын «Чодырам йӧрыктышӧ» компетенций дене регион-влак кокласе этапшым торжественно почмо.
Ты компетенций дене Россий кӱкшытан таҥасымаш Марий Элыште икымше гана эрта. Тушто Российын 11 регионжо да Беларусь республик гыч самырык профессионал-влак моштымашым ончыктат.
Участник-влаклан сеҥымашым Марий Элым вуйлатышын лӱмжӧ дене республик правительстве председательын алмаштышыже – тӱвыра, печать да калык-влакын пашашт шотышто министр Константин Иванов тыланен. Тыгак профессионал-влак дене Марий Эл образований да науко министр Лариса Ревуцкая вашлийын.
Участник-влакым эн ончычак рӱдолана дене палдареныт, Национальный художественный галерейысе ончерыш экскурсийыш намиен коштыктеныт.
Таҥасымаш «Лесная сказка» эмлалтме да тазалыкым пеҥгыдемдыме комплексыште эрта. Марий Элын чапшым Марий чодыра озанлык технику гыч Егор Батанов ден Илья Назаров аралат.
Г.Кожевникова
Фотом Марий Эл образований да науко минстерствын, Марий Элын СПО-жо соцкылысе лаштыкла гыч налме.
