Регион вуйлатышын указше почеш Марий Турек районышто 6 декабрь гыч африкан чума шотышто карантиным увертарыме.
Тидлан «Мариец» Сонар озанлыкыште да «Русский Ружейный Релоад» ООО-што тыгай черан ирсӧсна лекме амалым ыштен. Сандене ты кумдыкышто ирсӧснам сонарлаш чарыме. Специалист-влак инфекцийым пытараш манын профилактике мероприятий-влакым эртарат.
Шукерте огыл ты шотыштак республикысе Янлык тӱня департаментыште сонарзе-влакын погынымашышт эртен. Тушко «Шойбулакский» племавод ден «Звениговский» СПК-н буферный кумдыклаштыже патрулироватлыше сонарзе-влакын мобильный бригаде вуйлатышышт миеныт. Тӱҥ шотышто нуно Волжский, Звенигово, Советский, Оршанке, У Торъял ден Медведево районла гыч лийыныт.
Тыгай мобильный бригаде-влак кажне кечын сӧсна ферме-влакын верланыме кумдыкыштым тергат. Тидыже республикыште афиркан чума чер шарлен кертме деч ышталтеш.
Тиде амал денак республикыште ирсӧсна вуйым иземдаш манын задаче шындалтын. Санденак ты янлык тыгай буферный зонылашке ынже логал манын эскерат.
Бригадир-влаклан тидым эскерыме шотышто инструктажым эртареныт. Тыгак сонарзе-влаклан лӱйымӧ ирсӧсналан ветеринар экспспертизым эртараш, а черлыжым утилизироватлаш кӱлмӧ нерген ушешатареныт.
Светлана Носова
Снимкыште: совещаний годым.
Фотом департаментын лаштыкше гыч налме.
