ОБРАЗОВАНИЙ УВЕР ЙОГЫН ШИНЧЫМАШ КУГОРНЫШТО

Чемпионатлан ямдылалтыт

Марий Эл регион кӱкшытан «Профессионал-влак» профессионал мастарлык чемпионатлан ямдылалтеш.

Тений тудо республикыштына 2-7 мартыште лиеш. Кызыт колледж ден техникумлаште участник-влак конкурслан ямдылалтыт. Мутлан, Марий радиомеханический техникумын студентше-шамыч «Оптоэлектронике», «Газ оборудованийым дене пайдаланымаш да тудым монтироватлымаш» да шуко моло компетенций дене площадкылаште тренировкым эртарат. Йошкар-Оласе строительный техникумышто ончыкылык каменщик, облицовщик да моло специалист-шамыч чумыр налмаште шым площадкыште ямдылалтыт. Оршанкысе И.К.Глушков лӱмеш шуко профилян колледжыште «Тӱҥалтыш класслаште туныктымо паша», «Школ деч ончычсо воспитаний», «Физкультур, спорт да фитнес», «Легковой автомобильым обслуживатлымаш да тудым олмыктымаш» компетенцийла дене таҥасымашлашке ушнат.

Фотом Марий Эл СПО-н соцкылысе лаштыкше гыч налме

Опубликовать в Одноклассники

Добавить комментарий