«Йошкар-Оласе ТЭЦ-1» предприятийыште 2022-2023 ийлаште черетан уэмден-тӧрлатыме пашам эртарыме годым 37-ше №-ан отопительный котельныйыште газопоршневой электростанцийым чоҥеныт.
Тушто Марий Эл вуйлатыше Юрий Зайцев лийын.
– Коммунал инфраструктур объект-влакым уэмдыме шотышто элын правительствыже моткочак кӱлешан проектым пеҥгыдемден. Национальный благосостояний фонд гыч окса дене пайдаланымаш пашам писемдаш полша. Тиде коммунал сетьлам кучаш кайыше оксам шагалемдаш, тыгодымак кугу куатаным ыштыме да аварий лиймашым иземдыме кӱшешат, йӧным пуа. Тӱҥжӧ – республикыште илыше-влаклан коммунал услуго качествым саемда, – палемден регион вуйлатыше.
Тиде котельныйым ыштыме тыгак шокшо дене пайдаланыше-влаклан тариф кушмым кучаш полша. Тудо Ремзавод, Восточный, Юбилейный, Рӱдӧ, Ленинский микрорайонлашке пурышо, Мирный, Молодежный, Спортивный, Сомбатхей кундемлаште, Патриарший площадьыште, Брюгге набережныйыште да Медицинский уремыште южо пӧртыш – чылаже 304 оралтыш – шокшым колта.
Марий Эл вуйлатышын администрацийжын информаций паша пӧлкажын уверже негызеш Л.Камалетдинова ямдылен
