Марий Элыште «Технологическое обеспечение продовольственной безопасности» национальный проектын «Кадры в АПК» федерал проектшын мероприятийже-влакым илышыш шыҥдарышашлан ялысе школлаште агротехнологический направлениян класс-влакым почмо шотышто паша план почеш шукталтеш.
2025 ийыште 22 агроклассым почаш палемдыме. 2027 ийлан 38 тыгай класс лийшаш. Кызыт Волжский, У Торъял, Советский, Курыкмарий, Марий Турек районлаште да Йошкар-Олаште 8 агрокласс пашам ышта. Эше латик школышто тунемше-влак агротехнологий дене ешартыш шинчымашым пуымо кышкарыште палыме лийыт.
Школьник-влак профильный предмет-влакым келгынрак тунемын, АПК-ште жаплан келшыше инженерный технологий дене палыме лийын, селекцийын, генетикын, агробизнесын негызшым шымлен кертыт. Чыла тидыже регионын ончыл ялозанлык предприятийже-влак дене пырля ышталтеш.
Палемдыме мероприятий-влакым илышыш пайдалын шыҥдарышашлан Марий Элын Образований да науко, Ялозанлык да кочкыш сату министерствыже-влак коклаште общеобразовательный организацийлаште агротехнологический класс-влакым почмо, вияҥдыме шотышто соглашенийым подписатлыме.
Снимкыште: Марий Элын образований да науко министрже Лариса Ревуцкая ден ялозанлык да кочкыш сату министрже Андрей Кондратенко соглашенийым подписатлыме годым.
Фотом Ялозанлык да кочкыш сату министерствын сайтше гыч налме.
