«Кочкыш качестве шотышто технологийым шуктымаш» нацпроект почеш Курыкмарий районысо Микрӓк ден Волжский районысо Пӧтъял школлаште кызытсе оборудованиян агрокласс-шамыч почылтыт.
Марий Эл Образований да науко министерствыште ты шотышто паша вашлиймаш лийын. Тушто регионын ялозанлык да кочкыш сату министерствыжынн, Волжский ден Курыкмарий районласе образований пӧлка-влакын еҥышт, Микрӓк ден Пӧтъял школлам, тыгак агрообразований сферыш окса надырым пышташ ямде ялозанлык предприятийлам вуйлатыше-влак лийыныт.
Вашлиймаш годым нуно школ, кыдалаш образованийым пуышо тунемме вер, вуз да предприятий кокласе вашкыл, агрокласслан пӧлемын дизайн-проектше, брендше да оборудований шотышто каҥашеныт.
Тений Марий Элыште чылаже 22 агроклассым почаш палемдыме.
Г.Кожевникова
Фото Марий Эл Образований да науко министерствын соцкылысе лаштыкше гыч налме.
