Республикысе Марий тӱвыра рӱдер «Ача-авай дене пырля» регион-влак кӱкшытан конкурсым увертарен.
Тудо Еш идалыклан пӧлеклалтеш да 30 ноябрьыште Калык тӱвыра пӧртыштӧ 12 шагатлан тӱҥалеш. Ямдылалтме пашам ончылгоч тӱҥалман. Ончыч «Мыйын ешем» визитный картычкым ончыктыман. Шке еш нерген усталык шӱлыш дене палдарыман. Кокымшо тур «Ача-авамлан пӧлеклем» маналтеш. Тушто икшыве-влак ача-ава деке йӧратымашым усталык шӱлышан номер гоч ончыктышаш улыт. А кумшо турышто ача-ава-влак шке икшывыштым ончен куштымаште ойыртемалтше сыныштым ончыктат. Йодмашым рӱдерыш 15 ноябрь марте колташ лиеш.
Светлана Носова
