Кугарнян, 22 апрельыште, У Торъял поселкысо тӱвыра да каныме рӱдерыште еш-тукым фольклор коллектив-влакын «Творцы и хранители» регион-влак кокласе фестиваль-конкурсын районнысо этапше лиеш.
Молгунамсе семынак тушто еш-тукым коллектив-влак шке мастарлыкыштым ончыктат, «Детки и предки» фотовыставке лиеш, тыгак еш-влак кидпашашт дене палдарат.
Фестиваль-конкурсын программыжым У Торъял районысо коллектив ден посна мурызо-влак сылнештараш тӱҥалыт. Тыгак Морко район Унчо ялысе тӱвыра пӧрт пелен чумырымо «У вий» вокал ансамбль куандарышаш.
Л.Камалетдинова
