Марий Эл гыч студент Данил Атлашкин «Профессионал-влак» чемпионатын финалыштыже призёр лийын.
Марий радиомеханический техникумышто шинчымашым погышо рвезе республикнан чапшым Калуга олаште эртыше профессионал мастарлык таҥасымаште арален. Тудо «Оптоэлектронике» компетенцийыште моштымашыжым ончыктен да команде дене таҥасымаште той медаль дене палемдалтын.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
