Республикыштына 560 утла еш «Социальный няне» услуго дене пайдаланен.
Марий Элыште «Еш» национальный проектын кышкарыштыже илышыш пурталтше тиде у полышлан эҥертыше-влак кажне ийын шукемыт. Тений шым тылзе жапыште тудын дене 561 еш пайдаланен.
Сервис кум ияш марте ийготан йоча-влакым кӱчык жап профессионально ончымо дене кылдалтын. Услуго дене пайдаланен кертыт:
• шуко шочшан еш;
• шкет ача але ава;
• ньогам ончен куштышо студент;
• специальный военный операцийыште участвоватлыше сарзын ешыже;
• инвалид да тазалык шотышто шагал йӧнан йочам ончышо еш;
• кок але тылеч шуко икшыван еш.
Кызыт Йошкар-Олаште тиде услугым тестовый (пилотный) режимыште ыштат.
Сервис нерген радамынрак илыме верысе Калыкым социально обслуживатлыме комплексный рӱдерыште пален налаш лиеш.
Маргарита ИВАНОВА.
