Тиде ой дене чылан келшат да кертмышт семын тазалыкым аралаш да тудым пеҥгыдемдаш тыршат. Арам огыл калыкыштат «Таза улат, тугеже пиалан улат!» манын ойлат.
«Марий Эл» ГТРК-н радио службыжын корреспондентше Наталия Зилотова ты шотышто тыгерак каласыш:
– Мӧҥгыштем велотренажёр уло. Тудым шукерте огыл налынна гынат, кажне кечын лу километрым эрташ тыршем. Йӧн лекме семын каныш кечылан ешем дене шочмо ялышкем миен толына. Тушто южшат яндаррак, пӱртӱсшат моторрак. Тидлан куанен, телым олык лапыште, чодыраште ече дене кошташ йӧратем. А паша деч вара, яра жап лекмеке, ӱдырем дене мотор сӱретым (номер почеш чиялтат – авт.) ышташ келша.
А.БАЙКОВА
