«Океан» всероссийский рӱдерыште – школ медиарӱдерласе чолга ӱдыр-рвезе-влаклан «МедиЛаб» смене. Марий Эл гыч тушто Бауман лицейын тунемшыже Елена Мамаева.
Кум арняште Российын чыла регионжо гыч 13-17 ияш 200 утла тунемше контентым ышташ тунемыт, кумдан палыме журналист да блогер-влак дене вашлийыт.
Елена Мамаева сменыш кайыме деч ончыч кок отборочный заданийым шуктен, тудын пашажым кӱкшын акленыт.
Г.Кожевникова
Фотом Марий Эл Образований да науко министерствын соцкылысе лаштыкше гыч налме
