Марий Эллан вуйлатыше Юрий Зайцев «Единый Россий» всероссийский политический партийын председательже Дмитрий Медведев дене эртыше видеоконференцийыш ушнен. Шке MAX-каналыштыже тудо возен:
– «Единый Россий» партийын вуйлатышыже уло калыкын ончыктымо кумылжын чын улмыжым палемден.
Сайлымаш кампаний икымше гана боевой действий кайыме жапыште эрта. Российын элгӧргӧ политикыжлан мемнан дене келшыдыме эл-влак велым темдымаш палдырна.
Тидын годым виян кыл инфраструктуран связь да онлайн-йӱклымӧ йӧн фронт деч тора регионлаштат задачым куштылемдаш полшат. Тыгай регионжылан мемнан республикнат шотлалтеш. Дистанционный электрон йӱклымашке ушнаш Марий Элыште илыше 81090 избиратель регистрироватлалтын.
18 гыч 20 сентябрь марте кугу тӱткыш сайлымаш участкылаште лӱдыкшыдымылыклан ойыралтеш. Еҥ-влак ласкан йӱклышаш улыт. Избиратель-шамыч сайлымашыш рӱж ушнат, да УИК-влак сайын пашам ышташ тӱҥалыт манын ӱшанем.
Мый шкежат Йошкар-Олаште йӱклаш тӱҥалам.
Сайлымаште вашлиймешке!
Любовь Камалетдинова
