29 августышто У Торъял поселкысо «Строитель» стадионышто мини-футбол дене турнир эртен. Тудо У Торъял районым ыштымылан 96 ий да Марий Эл Республикылан 100 ий теммылан пӧлеклалтын.
Таҥасымашке 6 команде ушнен. Нунын кокла гыч икымше верым Овалже ял гыч «Немда» команде сеҥен налын. Кокымшо верыш Какшанмучаш села гыч «Кедр» команде лектын. Кумшо вер дене У Торъял поселко гыч «Факел» команде палемдалтын.
Л.КАМАЛЕТДИНОВА
