КУЛЬТУР ДА ИСКУССТВО

Йӧратымаш нерген мурат

Марий Эл Радион хит-парадше 

Йолташ-влак, тендан полшымо дене кодшо арняште мурызо-шамыч шке коклаштышт тыгайрак «тошкалтышым» чоҥеныт.

  1. Светлана Лобанова, Николай Казанцев – «Мӹндӹр кек»
  2. Геннадий Васильев, Таисия Смирнова – «Тау тылат, авием»
  3. Юлия Ви, Богдан Тымбаршев-Шой – «А ме просто келшена»
  4. Николай Изергин – «Вучем вашмутым»
  5. Татьяна Соловьёва – «Шарнен илашет»
  6. Станислав Шакиров – «Кеҥеж кас»
  7. Алексей Милютин – «Шерге пиалем»
  8. Игорь Харитонов – «Мыры»
  9. Алёна Яковлева – «Ӱшан»
  10. Алёна Мельникова – «Мужыр йӱксӧ»

Йӧратыме мурызыланда ончыл верым налашыже кузе полшышашым огыда пале гын, ушештарена: 5533 кӱчык номерыш SMS-ым колтыман. Тӱҥалтыште МАРИ мутым возыман, вара, яра верым кодыде, мурын номержым шындыман. Муро лӱмым кавычкыш налман огыл. Йӱклымаш SMS-ПОРТАЛ-ыште кая.

Йӧратымаш нерген мурат

Светлана Лобанова – Марий Элын калык писательже, Марий Эл культурын сулло пашаеҥже, Российын сулло журналистше Ипполит Лобановын ӱдыржӧ. Козьмодемьянск олаште шочын-кушшо ӱдыр кызыт Москошто ила, тӱнямбал компанийыште тырша. Светлана – Москошто Марий Эл землячествын чолга еҥже.

Изинекак мураш йӧрата, оласе музыкальный школым тунемын лектын. Репертуарыштыже чылаже шым мурыжо уло. Тӱрлӧ концертым, фестивальым сылне йӱкшӧ дене сӧрастара.

Николай Казанцев Курыкмарий районысо Отарсолаште шочын-кушкын. Кызыт тудо Калининградыште ила, Йоча да самырык-влакын усталык полатыштышт йӱк режиссёрлан тырша. Музыклан йочаж годымак шӱмаҥын, ятыр мурылан семым возен да воза, мура.

– «Мӹндӹр кек» мурылан мутым ачам Ипполит Иванович серен, а семым самодеятельный композитор Николай Казанцев возен. Муро йӧратымаш нерген, – палемдыш Светлана.

Алевтина БАЙКОВА
Фотом еш альбом гыч налме

 

Добавить комментарий