«МАРИЙ ЭЛ» ТАЧЕ

579 маршрутышто

15 январь гыч Марий Элыште ир янлык чотым шотлымо телымсе тургым пагыт тӱҥалын.

Тидын нерген республикысе Янлык тӱня департамент увертарен. Тудо кок тылзе шуйна. Тӱҥ шотышто ты пашам департаментын специалистше, верлаште охотовед, егерь-влак шуктат. Ончылгоч палемдыме маршрутлаште янлык-влакын кышаштым эскерат да иктешлымашым ыштат.

Кажне маршрутлан посна картычкым ыштат. Ирсӧсна, шордо, тамган олень, косуля, шурмаҥше, пире, рывыж, луй, хорей, горностай, ур, мераҥ, тыгак тӱрлӧ кайывусо кундемыштына мыныр улмым 15 март марте шотлен лукшаш улыт.
Тенийлан чылаже 56 кумдыкышто ты пашам шуктат. Учётчик-влак 579 маршрутым эртат. А тудын кужтышо 5900 километрыш шуэш, палдарен департамент вуйлатыше Николай Шурков.

Светлана Носова
Фотом Марий Элын Янлык тӱня департаментшын воткыл лаштыкше гыч налме

Опубликовать в Одноклассники

Добавить комментарий