Пошкырт кундем Мишканысе Марий историй-тӱвыра рӱдерыште Валериан Михайлович Васильевлан (Ӱпымарийлан) пӧлеклалтше вашлиймаш лийын.

Тушко марий йылмым келгын тунемме шуко профилян Мишкан полилингвальный школын тунемшыже-влак миеныт. Нунылан Пошкырт кундем гыч палыме марий еҥ-влак, марий сотемдарче Ӱпымарийын илыш корныжо, шанче пашаже-влак нерген каласкаленыт. В.М.Васильев лӱмеш тоштер-пӧртын проектшылан кӧра эше 1928 ийыштак лукмо марий-руш мутерын кызытсе принт-изданийже дене палыме лийыныт.

📸Фотом рӱдерын воткыл лаштыкше гыч налме.