Шорык
Тиде арнян у йолташым муыда. Ончыкыжым тудо кужу жап тургыжландарыше неле йодышдам решатлаш полшен кертеш. Коллегыда-влакын вуйлатыше ончылно чапдам волташ тыршымышт деч шекланаш темлалтеш.
Презе
Тыланда тӱрлӧ изи нелылык вашлиялтме годым утларак чытыше лийман. Нуным шотыш налмым чарнеда гын, шкештак куштылгын рашемдалтыт. Тӱшка мероприятийыште кӱлешан да пайдале темлымашым ыштен кертыт. Шкет еҥ-влак вашке у шӱмбелым вашлийыт.
Йыгыр
Тиде арнян шкендан уто-ситыдам кычалаш да нуным пытараш тыршаш тӱҥалыда. Воктеныда улшо-влак тидым куанен вашлийыт. Пашам лийжак манын ыштеда гын, вашке лектышыжым шижыда. Аракам утыждене йӱаш огеш темлалт.
Рак
Кызыт шке лӱмнердам да чапдам нӧлтал кертыда. А тидыжым кузе: пашам чот ыштыме, иктаж-кушто лӱддымылыкым ончыктымо але йӧратымаш кыллан кӧра шуктеда – тунар тӱҥ огыл. Вурседылмашке ушнаш, шке шонымашдам весе-влаклан тушкаш ида тырше.
Лев
Тиде арнян «кугыжа» статусда нерген мондаш да тыматле койыш-шоктышан лияш кумылда лектеш. Тыге ыштымыда эн ончычак шкендам чотак куандара. Адакшым ешыште умылыдымашым пытараш, шкет еҥ-влаклан шӱмбелым муаш полша.
Ӱдыр
Ала-могай амаллан кӧра пашада чыгынен шогалеш. Уым тӱҥалаш кызыт огеш темлалт, сандене ик жап вучалташда логалеш. Вий-куатдат ты пагытыште йӧршеш шагал лиеш. Документым подписатлаш, ойпидышым ышташ келшыше арня огыл.
Виса
Кӧ деч да кушеч полышым, келшен толшо ой-каҥашым йӧршынат вучен огыдал, тудын деч але тушеч лиеш. Но ты арнян куанле тат-влак тидын дене гына огыт мучашлалт. Ондакысе шӱмбелда але пелашда вучыдымо пӧлек дене куандара.
Скорпион
Илышыштыда ала-мом уым ыштыме шуаш тӱҥалеш. Тыгак пӧръеҥ дене вашлиймаш вуча. Тудо пеш тыматле койыш-шоктышанжак огеш лий гынат, кумылдам чотак савыра. Ончыкыжым кылым шуяш але уке – вуйдам сайынак пудыратылаш логалеш.
Пикшызе
Шӱдыр-влак лишыл еҥ-шамычын ой-каҥашыштым шотыш налаш темлат. Поснак вес вере илаш куснаш але ойырлаш тарваныме годым нуным колыштыда гын, сайрак лиеш. Пашаште у шонымашым ойлаш ида лӱд. Тиде карьер тошкалтыш дене кӱзаш полшен кертеш.
Ирказа
Кызыт пашаште кугу чолгалыкым ончыктеда, «шокшым кергалтен» тыршаш, еш илышдам изин-кугун саемдаш тӧчаш тӱҥалыда манын каласаш неле, молан манаш гын чыла шотыштат нойымым шижыда. Сандене лучо каналтыза.
Вӱд йоктарыше
Ты арнян илышыштыда эн тӱҥ шонымашым шукташ тыршаш тӱҥалыда. Тидым тӱрысшак ыштен огыда керт гынат, ончыко чотак каеда. Южыштын кызытсе йӧратымаш кылышт кенета кӱрлын, а кӧ шкет гын, у кыл шочын кертеш.
Кол
Тиде арнян шкан эн кугу тӱткышым ойырыман. Каналташ жапым муаш тыршыза, молан манаш гын утыждене чот пашам ыштыме пеш сайышкыжак огеш шукто. Иктаж-могай кугу йодышым рашемдаш тарваныме годым весе-влакын ой-каҥашыштым шотыш налаш огеш темлалт.
Л.Камалетдинова